في حكمة سودانية بتقول المكتوبة ما بتتفات والمقسومة ياها الجات
قسمتك في الدنيا بتاخدها وكل شي مكتوب ومسطر من قبل ما تتولد .. سعادة .. حزن .. صحة مرض .. نجاح .. فشل .. زواج طلاق .. حب .. وكره.
هنالك مثل بقول لوتجري جري الوحوش غير رزقك ما بتحوش
اصبح المواطن المغلوب علي امرة في دوامة من التفكير والبحث في كيفية الحياة وتوفير مايلزم من مقومات الحياة. البسيطة .. رب الاسرة يجري ويغيب ويتعب ويعمل دوامين وبعد كل هذا لايكفي هنالك اسر تعمل الام أيضا وحتي الابناء وكل ذلك يادوب يكفي سد الحوجة
الصحة والعافية قسمة من رب العالمين الجمال والقبح برضوا قسمة .. كل شي مقسوم لك من قبل ان تولد نصيبك مكتوب لك ما بيد زول يزيد او ينقص لك نحنا بنختار مرات واختياراتنا بتكون غلط مرة وصاح مرة داي قسمتك لكن ما مطالبن ندفع ثمن اختيارنا عندما يكون غلط طول العمر السعادة ما مال والرافاهية المترفة
ممكن حياة بسيطة تكون اسعد من نعيم ومال المال ما هو كل شي ممكن ربنا يديك حاجة ويشيل منك حاجة عشان كدة الرضاء بالمقسوم عبادة
لماذا دوما نتزمر ولانقبل بالمقسوم ونفكر في ما عند الغير وامكن تظهر لنا حياتهم ورديه ومترفه ولكن لافايدة من حياة ينعدم فيها الاستقرار والاطفال والحب والاحترام المتبادل والامان والصحة
البعض يحملنا نتائج اختياراتنا والبعض يطلب منا الصبر علي الاختيار بمفهوم ..
.. دي قسمتك .. اي قسمتي لكن لية اتحملها لو هي غلط و اواصل فيها علي حساب نفسي لاي ما نجتهد ونعمل عشان نجعلها اجمل واحسن الاماني والتطور والاحلام مامعناها عدم رضاء … الانسان مخلوق عشان يطور الكون
برضوا نرضي بقسمتنا ونصيبنا لكن نطور نفسنا في قسمة بتجي متاخرة دي نتمسك بيها ونحاول نعيشها بكل تفاصيلها
الحرب قسمة فرضت علينا لكن مامفروض نقيف علي كدة نسعي ونتعب عشان نمشي للاحسن
التعليم هو سلاح التطور للمرحلة القادمه زول اقول عايز نجاح اولادي لكن مامقسومة .. لازم يقرا تغيير الوضع في يدك انت تتعب عشان بعدين ترتاح تجتهد العمل ماعيب عيب تعيش عالة علي غيرك اي عمل شريف بجيب رزق بعملوا مانقعد ونحمل غيرنا اغلاطنا ما نقعد ونشيل القسمة عجزنا وعدم مسؤوليتنا
للحروف سؤال نصيبنا نقرأ
ليه ياناس التعليم صعبتوها علي اولادنا مع ان بلادنا فيها مئات الجامعات والمعاهد العليا
حتي فرحة النجاح لم تستمر بسيب الرسوم ولاالتزامات الدراسية
بوح اخير قدياتيك نصيب يسعدك حاول ان تتمسك به مهما يكون
وقف في وجه الصعاب عشان تعيش
لحظات السعادة تسرق من الدنيا دقايق لتعيشها بكل سعادة وتطير زي الفراشة ليس للعمر حدود للسعادة ونصيبنا بنعيشوا بحلوه اومرة
خليك دايما علي يقين ان الكاتبه اربنا هو البحصل
كن جميلا ترا الوجود جميلا










